ஒரு பாத்திரத்தை (கடாயை) அடுப்பில் வைத்து மிதமான வெப்பத்தில் இரண்டு தேக்கரண்டி நெய்யினை அந்த கடாயில் ஊற்றி அது மிதமான வெப்பம் ஆகும்போது, தயாராக எடுத்து வைத்துள்ள முந்திரி பருப்பு , உலர் திராட்சை அனைத்தையும் பொன்னிறமாக (golden color)நெய்யில் வறுத்து தனியாக ஒருபுறம் எடுத்து வைக்கவும்.அதன் பின்பு மிகுதியாக சிறிது நெய் அந்த கடாயில் இருக்கும் அதே பாத்திரத்தில் ரவையினை சேர்த்து , அதன் நிறம் பொன்னிறமாக வரும் வரை வறுத்து எடுத்து தனியாக ஆற வைக்கவும்.

• முதலில் மிதமான தீயிலே (Stove – medium flame) எரியும் அடுப்பில் , அடி கனமான கடாயை(Nonstick Pan) வைத்து அதனுள் 4 கப் தண்ணீரினை ஊற்றி நன்கு கொதிக்க விடவும்.
• தண்ணீர் சூடாக ஆரம்பமாகும்போது அதனுள் சீனி, கேசரி பவுடர்,ஏலக்காய் பொடி மூன்றையும், மிகவும்சிறிதளவேயான உப்பினையும்(salt-optional)சேர்த்து நன்றாக கலந்து விடவும்.
• தண்ணீர் நிறம் ஆரஞ்சு நிறமாக மாறி , குமிழிகள் போல நன்கு கொதித்து வருவதை இப்போது காணலாம்.
• இதேபோல தண்ணீர் 2 முறை நன்கு பொங்கிவரும்போது, ரவையினை சேர்ப்பதற்கான கொதிநிலையினை அது அடைந்திருக்கும்.
• இந்த தருணத்தி தயாராக எடுத்து வைத்துள்ள வறுத்த ரவையினை ஒரு கையால் தொடர்ந்து தூவிக்கொண்டே இருக்க மறுகையால் இடைவிடாமல் கேசரியினை கட்டிகள் இல்லாமல் கிளறிவிட்டுக் கொண்டேயிருக்கவேணும்.
• ரவை சடுதியாக இறுக்கமாகி வருவதை காணலாம், எனவே அதனுள் மீதமுள்ள நெய்யினையும், முந்திரிவத்தல்(plums), முந்திரி பருப்பு(Cashew Nut), மீதமுள்ள ஏலக்காய் பவுடர் அனைத்தையும் ஒன்றாக சேர்த்து அடிபிடிக்காமல் கிளறவும்
• இப்போது அடுப்பின் தீயினை அணைத்துவிடவும், ஆனால் பாத்திரத்தை அடுப்பிலேயே வைத்து நன்கு கிளறிவிடவும்.
• கேசரி சட்டியில் ஒட்டாமல் அல்வாபோல நன்கு சுருண்டு வரும் போது அடுப்பைவிட்டு இறக்கி ஒரு தட்டிலே கொட்டி ஆறவிடவும்.
• கேசரி இளம் சூடாக உள்ளபோது தேவையான வடிவத்தில் துண்டுகள் போடலாம்.
• சுவையான கேசரி தயார்.